Kuvanje sa bakom (Italija): Pasta alla carbonara

Danas ću vam u rubrici „Kuvanje sa bakom“ pokazati recept za poznato italijansko jelo, stvoreno u Laciju, jednoj pokrajini u Rimu: pasta sa „karbonara“ sosom.
Italijani su veliki ljubitelji sopstvene tradicionalne kuhinje, i često su im odbojni „hibridi“ italijanske kuhinje, koji se mogu naći u drugim zemljama. Kako sama nisam iz Rima, bojim se da bih i sama dobila ukor od Rimljana, prije svega jer moj recept sadrži neke izmjene. Stoga bih voljela da naglasim da je ovo recept moje bake, i da se u potpunosti uzdam u nju po ovom pitanju.

Prije nego što počnemo, željela bih da vam dam jedan savjet: trebalo bi da koristite duguljaste makarone za ovo jelo, poput špageta ili lingvina, iz razloga što u Italiji postoji mnogo vrsta makarona, a ne ide svaka vrsta makarona uz svaki sos.

abc

Sastojci. Možda izgledaju manje obimno nego što ste očekivali, ali to je zato što smo večeri prisustvovale samo baka i ja. © Laura Barberis

A sada, evo recepta.

Sastojci:
– 350g špageta
– 3 jaja *
– 150g sitno sjeckane slanine (originalni recept zahtijeva „guanciale“, slaninu od mesa oko svinjske vilice. Ali, pošto je nju teže naći, možete koristiti običnu slaninu kao zamjenu)
– 30g rendanog parmezana (ovo je, takođe, varijacija na original: trebalo bi da koristite rimski pekorino sir, ali parmezan je adekvatna zamjena)
– jedna ili dvije supene kašike maslinovog ulja
– jedan čen bijelog luka
– So i biber

*Ako želite da promijenite količine sastojaka, moja baka savjetuje da koristite onoliko jaja koliko je ljudi za trpezom, minus jedan (tako da, ako će objedovati vas šestoro, koristite pet jaja, ako vas je troje, koristite dva, i tako dalje).

 

Priprema:

Prije svega, veliku šerpu napunite vodom do pola i dodajte šaku soli.

Dok se voda zagrijava, na drugoj strani sipajte ulje u tiganj, dodajte bijeli luk i pržite ga dok ne dobije smeđu boju boje (a da ne izgori), kako bi ulje imalo intenzivniji ukus; potom dodajte sjeckanu slaninu, i pržite je sve dok masnoća na slanini ne postane prozirna. Onda ugasite štednjak i ostavite tiganj po strani.

cooking-italy-2-3

© Laura Barberis

Jaja stavite u veliku činiju, mutite ih nekoliko minuta, zatim dodajte parmezan, so i biber, i nastavite da miješate smjesu dok ne postane kremasta.

 

cooking-italy-5-6-7-new

© Laura Barberis

 

Kada voda u šerpi počne da vrije, dodajte špagete, a da ih ne lomite na pola (lomljenjem špageta slamate i srca Italijana), i drvenom kašikom gurajte špagete u vodu, kako bi ih učinili mekšim i lakšim za miješanje.

cooking-italy-8

© Laura Barberis

Vrijeme kuvanja je obično naglašeno na kutiji, ali špagetama je uglavnom potrebno desetak minuta da budu spremne. U svakom slučaju, ovako bi trebalo da izgledaju kada su gotove:

cooking-italy-9-10

© Laura Barberis

Iscijedite makarone i stavite ih u činiju sa mješavinom jaja i parmezana, dodajte slaninu (iz koje ste prethodno uklonili onaj čen bijelog luka) i miješajte: toplota makarona će kuvati jaja dovoljno da postanu kremasta i ne ostanu sirova!

cooking-italy-11

Gotovo! © Laura Barberis

Poslužite odmah, i ne zaboravite da na svoj sto stavite i činiju sa rendanim parmezanom; neki ljudi, kao što to Italijani često čine, vole da dodaju još sira u svoje „carbonara“ makarone.

Uživajte u objedu i “buon appetito!”

[crp]

Autorka

Laura Barberis (Italija)

Studira: Teorije i tehnike međujezičnog posredovanja

Govori: italijanski, engleski, španski i francuski

Prijevod

Anđela Đurašković (Andjela Djuraskovic) (Crna Gora)

Studira/Radi kao: Novinarstvo

Govori: srpski/crnogorski, engleski, njemački

Evropa je… mjesto gdje su rođeni veliki ljudi, velike nacije, velike ljubavi; gdje su stvorena velika djela iz oblasti umjetnosti, književnosti, arhitekture, filozofije.

Korektura

Nikolina Marjanović (Bosna i Hercegovina)

Studij/posao: Magistrica povijesti i arheologije

Govori: hrvatski i engleski

Author: Anja

Share This Post On

Submit a Comment

Vaša adresa e-pošte neće biti objavljena. Nužna polja su označena s *

css.php

Nastavkom pregledavanja ove stranice slažete se s korištenjem kolačića. više informacija

Opcija kolačići (Cookies) na ovoj stranici postavljena je u svrhu poboljšavanja vašeg iskustva pregledavanja. Ako nastavite koristiti ovu stranicu bez mijenjanja postavki kolačića ili ako samo kliknete opciju "Prihvati" slažete se s ovim navedenim.

Zatvori